Contoh Teks Pidato Bahasa Jawa (Sesorah Basa Jawa) Tema Sosial

" Menapa Kula lan Panjenengan Kedah Taat Kaliyan Hukum ing Indonesia"

Assalamualaikum Wr.Wb.

Bapak Pangarsa Sekolah ingkang satuhu kinurmatan, Bapak Ibu guru saha karyawan SMK N 2 Depok Sleman ingkang sinudarsana, sarta kanca-kanca ingkang kula tresnani. Sumangga kula lan panjenengan  sareng-sareng ngaturaken puji syukur dhumateng Gusti Allah SWT ingkang sampun maringaken rahmat saha hidayahipun satemah kula lan panjenengan saged kempal wonten mriki. Bapak Pangarsa Sekolah, Bapak Ibu guru saha kayawan SMK N 2 Depok Sleman, sarta kanca-kanca ingkang kula tresnani. Wonten ing dinten menika kula badhe ngandharaken menapa kula lan panjenengan kedah taat ugi patuh kaliyan hukum Indonesia.

Indonesia menika Negari Hukum. Indonesia gadhah hukum-hukum ingkang mbabar maneka aspek gesang ing masyarakat. Miterat R.Soerso, hukum inggih menika paugeran-paugeran ingkang dipuntetepaken kaliyan pemerintah kangge ancas ngatur tata tertib ing masyarakat lan wonten paukuman menawi boten dipuntindakaken.  Sedaya tiyang Indonesia kedah taat hukum. Sepuh, timur, estri, jaler, lsp kedah taat hukum ing Indonesia. Wonten paukuman kangge tiyang ingkang boten taat hukum. Hukum Indonesia menika wonten ingkang kaserat ugi boten kaserat. Tuladhanipun ingkang kaserat menika UUD 1945, UU, Perda, lsp. Hukum ingkang boten kaserat tuladhanipun norma, adat istiadat, lsp.

Ing jaman sakmenika, kathah kasus-kasus ingkang pelanggaran hukum. Salah satunggalipun tuladha ingkang asring dumados inggih menika kasus lare enem ingkang dereng 17 tahun ananging sampun numpak montor. Estunipun, lare ingkang dereng 17 tahun boten pareng numpak montor. Lare ingkang pareng numpak montor menika lare ingkang sampun 17 tahun lan gadhah SIM (Surat Ijin Mengemudi).

Sampun kathah sanget kasus kacilakan amargi lare enem ingkang dereng gadhah SIM. Sakmenika, kathah lare ingkang sampun saged numpak montor. Tuladhanipun lare ingkang kelas 4 SD. Lare menika asring numpak montor lan  boten ngangge helm njalari kacilakan. Kacilakan-kacilakan menika ndadosaken kula lan panjenengan rugi arta, jiwa, lan raga. Kacilakan menika dumados amargi lare enem ingkang dereng siap utawi dereng berpengalaman numpak montor. Supados boten dumados malih, kula lan panjenengan kedah ngelingaken kanca utawi sedherek kita supados boten numpak montor menawi dereng cekap umur.

Dados, kula lan panjenengan kedah taat kaliyan hukum amargi hukum kasebat dipundamel kangge ancas supados kula lan panjenengan saged gesang kanthi sae, boten amargi ajrih kaliyan paukumanipun. Sanesipun, hukum menika dipundamel supados kagiyatan masyarakat menika tertib ugi tentrem saha supados boten wonten kasus-kasus kriminal. 

Kanthi mekaten menika, mugi-mugi boten wonten malih kasus kacilakan amargi lare ingkang dereng cekap umur. Cekap semanten atur kula, bilih kathah lepatipun kula nyuwun agunging pangapunten.

Wassalamualaikum Wr.Wb. 

Rahmawati Yuniarko / 17 / 14514 / XII TKJB