Uji Nyali Karo Kancaku
“WAAAA!!!” bengokku kaget. “Woi ! Aja ngaget-ngageti to!”
Omongku karo kancaku sing mau ngageti aku. Aku iki wong sing kagetan. Ana swara
sithik wae aku kaget. Uwis ngono, aku pernah semaput gara-gara diwede-wedeni
karo kancaku pas kemah. Padahal umurku wis 17 taun. “Cah lanang kok jirih”.
Kuwi omongan sing paling kerep diomongke karo kanca-kancaku. Apa maneh karo
kancaku sing jenenge Aji. Aji iki wong sing senengane nggarai aku kaget. Bocahe
usil banget. Aji kuwi wong sing ngageti aku pas kemah mbiyen. Pas kuwi, aku
lagi adus wengi-wengi ning kamar mandi sing adoh saka tenda. Aku dhewe, ora ana
sing ngancani. Sakjane aku wedi, nanging tak wani-wanike. Pas wis rampung,
ujug-ujug lampune mati. Banjur lampune
urup-mati. Aku wis gemrusung banget pingin metu, tapi pintune ora bisa dibuka.
Aku wis pingin nangis. Terus, ana swara wedok alus ngikik kaya kuntilanak.
Banjur aku tambah wedi. Aku tetep nyoba mbuka pintu kamar mandi. Pas isa
kebuka, ning ngarep pintu ana makhluk medeni, matane metu, werna putih kaya pocong.
Saking kagete, aku banjur semaput.
“Ji, kowe isih kelingan pas kemah kae ra?” Takonku ning
Aji. “Hahahaha, pas kowe semaput kae to? Hahahaha, sumpah nggarai wetengku
lara” Jawabe karo ngguyu. “Kowe karo kanca-kanca nyebai tenan, mosok sawise semaput
kae tangi-tangi aku ana ning tenda darurat” Omongku. “Pas kuwi aku karo
kanca-kanca kaget lho. Padahal niate arep meden-medeni tok” Omong Aji. Sakjane
aku pingine iyo ora kaget. Aku isin banget, mosok semaput gara-gara
diwede-wedeni. Saiki aku ora pingin dadi
bocah lanang sing jirih meneh. “Ji, aku pingin dadi wong sing ora jirih. Piye
carane yo?” Takonku karo Aji. “Mmmmm, piye yen uji nyali wae?”jawabe Aji. ”Aku
bakal wedi banget yen uji nyali dewe, Ji” Kandhaku. Banjur Aji ngomong “Jarene
arep dadi wong sing ora jirihan? Kaya aku iki lho!”. Wah, Kemaki tenan bocah
siji iki. Mentang-mentang aku kerep kaget lan wedinan, banjur nggaya ning
ngarepku. “Yo yen kowe wani, kowe kudu ngancani aku uji nyali.” Omongku. “Yo! Piye
yen ning dalan Roro Melati sing terkenal angker kae? Wani ora?” Jawabe Aji
nantang aku. Tak jawab banter “Yo! Sesuk jumat kliwon wengi jam 8”. Banjur Aji
njawab “Kok jam 8? Ora jam 12 wengi wae? Wedi po? Hahaha". “Ora, tapi aku
yen bali wengi di amuk karo ibukku. Hehehe” Jawabku.
Akhire, Aku lan Aji arep uji nyali jam 10 wengi. Kancaku
sing jenenge Tiyo uga melu uji nyali bareng. “Wah, seru iki! Aku melu pokokke!”
Omonge Tiyo pas krungu omonganku karo Aji wingi. Yo akhire aku, Aji, lan Tiyo
mangkat ning dalan Roro Melati. Sawise tekan dalan kuwi, hawane wis medeni. Dalan
iki emang terkenal angker. Ora ono warga desa sing wani lewat kene wengi-wengi.
Pas ning tengah dalan, ujug-ujug ana sing mbandem Aji nganggo krikil. “Cah, aja
mbalangi krikil ning awakku to!” Bengok Aji sing lagi mlaku ning ngarep dhewe.
Aku karo Tiyo ning mburi ora mbandem krikil. Banjur aku mangsuli Aji “Aku karo
Tiyo ora mbalang kowe yo!”. Aku, Aji, karo Tiyo meneng kabeh. Hawane wis tambah
medeni. Tiyo sing kendhel banjur ngomong “Lanjut wae cah, paling mung kena angin”.
Aku sing krungu, bingung. Krikil isa mabur kena angin?. Adewe banjur mlaku
meneh nglewati dalan Roro Melati. Saking sepine, swara jangkrik lan suket-suket
isa tak rungokke. Sawise arep rampung nglewati dalan Roro Melati, ana mambu
wangi-wangian. Mambune kaya kembang Melati. Aku tambah wedi. Banjur aku takon
karo Aji lan Tiyo sing lagi mlaku ning ngarepku “Cah, pada ngambu kembang
Melati ora?”. Aji karo Tiyo ora njawab, malah pada tetep mlaku. “Cah, pada
ngambu kembang Melati ora to?” takonku meneh. Banjur Aji lan Tiyo mengo. “WAAAAAA”
bengokku ndelok rupane Aji lan Tiyo. Rupane dadi bubrah, akeh getihe. Aku
semaput lan ora kelingan apa-apa bar kuwi.
Sesukke aku tangi ning omahku. “Apa mau bengi aku mung
ngimpi?” pikirku. Pas aku arep metu kamar, ana Aji karo Tiyo ning ngarep
lawang. “Kok pada ning omahku?” takonku. Banjur Tiyo njawab “Kowe lali? Mau
bengi kowe semaput. Pas ning dalan Roro Melati kae lho”. Aji yo nambahi “Ho’o, kowe
mau bengi semaput. Mmmm… ngapuro yo, tapi HAHAHA”. Aji ngguyu banteer banget.
Brarti, mau bengi aku yo diwede-wedeni karo Aji meneh?. Wah, bocah siji iki
pancen njaluk di tempeleng. “Dadi, mau bengi kowe mede-medeni aku meneh? Ndene
tak tempeleng kowe! ” Omongku nesu. “Hehe, soriiii” jawabe. Ketokke uripku iki
ora bakal tenang yen nduwe kanca kaya Aji. Tapi yo, smoga wae penyakit kagetku
iki isa mari yen nduwe kanca kaya Aji. “Terus kageti aku tekan aku ora kegetan
yo, Ji!!” bengokku. “Siap Bos!!”.
~TAMAT~
Tidak ada komentar:
Posting Komentar