Lokawisata Baturraden
Baturraden mapan ing sisih lor
kutha Purwokerto yaiku ing lereng sisih kidul Gunung Slamet. Amarga Baturraden mapan ing lereng gunung, ndadekake kawasan iki nduweni hawa sing seger
lan adhem banget apa meneh wayah wengi. Gunung Slamet karo lereng-lerenge sing
munggah mudhun, nawakake
sesawangan alam kang endah lan kahanan sing
seger. Baturraden iku papan
wisata sing akeh ditekani karo wisatawan lokal,
paling utama ing dina Minggu
lan dina prei nasional. Kahanan kasebut marakake akeh hotel lan vila dibangun ing
kene.
Menawa arep menyang Baturraden bisa
nggunakake tunggangan pribadi utawa umum. Adohe saka kutha Purwokerto kurang luwih 15 kilometer lan bisa
tekan kurang luwih 15 menit yen dalan
ora macet. Yen pengen nggunakake tunggangan umum, wisatawan bisa nggunakake bis
kutha saka terminal ing Purwokerto lan mudhun ing terminal lokawisata
Baturraden. Luwih gampange wisatawan bisa nggunakake taksi. Yen nggunakake
tunggangan pribadi, sabecike ati-ati amarga dalan sing munggah mudhun.
Papan wisata sing adohe kurang luwih 15
kilometer saka kutha Purwokerto, Jawa Tengah iki, ora mung duwe sesawangan alam
sing endah nanging uga duwe cerita rakyat
babagan Raden Kamandaka, utawa Lutung Kasarung sing terkenal ing masyarakat
Indonesia.
Tidak ada komentar:
Posting Komentar